ആഗോളവര്ക്കരണത്തിനെ എതിര്ക്കുന്നവര് പറയുന്നത് ഇതിന്റെ ഭാഗമായാണ് മാതൃദിനം ലാറ്റിനമേരിക്കയിലും ആഫ്രിക്കയിലും ഇന്ത്യയിലുമെല്ലാം എത്തിയതെന്നാണ്, അതെന്തായാലും ആധുനികതയുടെ തിരക്കുകള്ക്കിടയില് ഒരു ദിവസമെങ്കിലും മാതാവിനെ സ്നേഹിക്കാന് മാറ്റിവെക്കുന്നെങ്കില് അതുതന്നെ വലിയ കാര്യം.വിമര്ശനാത്മകമായി നോക്കിക്കണ്ടാല് എന്തും കച്ചവടവല്ക്കരിക്കുന്ന ‘സ്പെഷ്യല് ഡേ’കള് മാതൃദിനവും കാര്ഡ്,ഗിഫ്റ്റ് കച്ചവടത്തിനുള്ള ഒരുപാധിയായി കാണുന്നു.
എങ്കിലും നമ്മള് ഭാരതീയര് പിതാവിനേക്കാളും മറ്റാരെക്കാളും മാതാവിന് വൈകാരീക സ്ഥാനം നല്കുന്നു. സ്വന്തം രാജ്യത്തെ പോലും അമ്മയായി അഭിസംബോധനം ചെയ്യുന്നു നാം എന്നാല് വിദേശികള് അതില് നിന്നു അല്പം വ്യത്യസ്തമാണ് എന്നിരുന്നാലും മാതാവിനു അവരും കൂടുതല് പ്രാമുഖ്യം നല്കുന്നു.അമ്മയെ ആദരിക്കുന്നതില് എന്നും യൂറോപ്യര് മുന്നില് നിന്നിട്ടുണ്ട്, അമേരിക്കയിലാണ് ഒരു ആചാരമായി മാതൃദിനം രൂപപ്പെട്ടത്.1914 ല് യു എസ് പ്രസിഡന്റായിരുന്ന വുഡ്രോ വിത്സണ് ആണ് മാതൃദിനത്തിന് ഒരു ഏകീകൃത രൂപം നല്കിയത്.അമേരിക്കന് ആഭ്യന്തരയുദ്ധത്തില് സ്ത്രീകള് അനുഭവിച്ച വേദനകളായിരുന്നു ഇത്തരം ഒരു ആചാരത്തിലെക്ക് അമേരിക്കയെ നയിച്ചത്. പുരാതന ഗ്രീസിലെ മാതൃപൂജയുടെ ഭാഗമായി വന്നതാണിതെന്നൊരു വാദവും നിലനില്ക്കുന്നുണ്ട്.
വ്യത്യസ്ത കാലങ്ങളിലാണ് ലോകം മാതൃദിനം മാതാക്കള്ക്ക് സമര്പ്പിക്കുന്നത്,ന്യൂസിലാന്റില് മെയ് ആദ്യഞായറാഴ്ചയും സ്പെയ്നിലും പോര്ച്ചുഗലിലും ഡിസംബര് എട്ടിനുമാണ് മാതൃദിനം.മെയ് രണ്ടാം ഞായറാഴ്ചയാണ് പൊതുവെ മദേഴ്സ് ഡേ ആചരിക്കുന്നതെങ്കിലും ചില രാജ്യങ്ങളില് മറ്റു ഞായറാഴ്ചകളിലും ആഘോഷിക്കാറുണ്ട്.ഉദാഹരണമായി ഫ്രാന്സില് മെയ് അവസാന ഞായറില് സ്വന്തക്കാരും സുഹൃത്തുക്കളുമൊക്കെകൂടി മാതൃദിനം ആഘോഷിക്കുന്നു. ജപ്പാനിലെത്തുമ്പോള് കുട്ടികളുടെ ചിത്രരചനാ മത്സരവും അവര് വരച്ച ചിത്രങ്ങള് അമ്മമാര്ക്ക് സമ്മാനിക്കുകയും ഒന്നാം സമ്മാനര്ഹന്റെ ചിത്രം അടുത്തനാലു വര്ഷം മാതൃദിനത്തില് പ്രദര്ശിപ്പിക്കുകയും ചെയ്യുന്നു
1600കളില് മാതൃദിനത്തെകുറിച്ച് പരാമര്ശമുണ്ട്. ഇംഗ്ലണ്ടില് മദറിംഗ് സണ്ഡേ ഇതിനുദാഹരണമാണ്,ഇംഗ്ലണ്ടിലെ വീട്ടുജോലിക്കാര്ക്ക് സ്വഗൃഹങ്ങളില് പോയി മാതാവിനെ കാണാനുള്ള അവസരമായിരുന്നു മദറിംഗ് സണ്ഡേ. യു കെയില് ഇപ്പോഴും മദറിംഗ് സണ്ഡേ തന്നെയാണ്. ഇരുപതാം നൂറ്റാണ്ടിന്റെ ആദ്യത്തിലാണ് മാതൃദിനം ലോകത്ത് വ്യാപിക്കാന് തുടങ്ങിയത് എന്നു വേണമെങ്കില് പറയാം. ഏഷ്യാ മൈനറിലും റോമിലും വസന്തകാലത്താണ് മാതൃദിനം ആഘോഷിക്കുന്നത്, മാര്ച്ച് 15 മുതല് 18 വരെ ഏതെങ്കിലും ഒരു ദിവസം അവര് മദേഴ്സ് ഡേ കൊണ്ടാടുന്നു. പഴയ റോമക്കാര് മദേഴ്സ് ഡേക്കു പകരം മട്രോണാലിയ എന്ന പേരിലാണ് ആചരിക്കുന്നത്.
No comments:
Post a Comment