പലിശയുടെ കരാള ഹസ്തങ്ങള്‍

പലിശയുടെ കരാള ഹസ്തങ്ങള്‍ സമൂഹത്തെ ഗ്രസിക്കുമ്പോള്‍ നശ്ടപ്പെടുന്നത് ജീവിക്കാനുള്ള സ്വാതന്ത്ര്യം കൂടിയാണ്,പാവപ്പെട്ടവെന്റെ ദാരിദ്ര്യത്തെ ചൂഷണം ചെയ്യുന്ന പണക്കാരന്‍ കാണാതെപോകുന്നത് ജീവിക്കാനുള്ള മനുഷ്യന്റെ ആഗ്രഹത്തേയും. സ്വപ്നങ്ങള്‍ നെയ്തുകൂട്ടുമ്പോള്‍ അതിനൊരു താങ്ങെന്നും തണലെന്നും പറഞ്ഞ് സമൂഹത്തിന്നിടയില്‍ മാന്യമായ സ്താനം നേടാന്‍ ശ്രമിക്കുന്നവരെ നമ്മുക്കിടയില്‍ നിന്ന് ഉന്മൂലനം ചെയ്യേണ്ട കാലം അതിക്രമിച്ചിരിക്കുന്നു. സാമ്പത്തീകമാന്ദ്യം ലോകത്തെ പിടിച്ചു കുലുക്കുമ്പോള്‍ ചര്‍ച്ചചെയ്യപ്പെടുന്നത് പലിശരഹിത ബാങ്കുകളുടെ വിജയത്തെകുറിച്ചാണ്.കോടികള്‍ ലാഭം കൊയ്യുന്ന സൌദി പോലുള്ള മുസ്ലിം രാഷ്ട്രങ്ങളിലെ ഇസ്ലാമിക ബാങ്കിംഗ് എന്തുകൊണ്ടും ചര്‍ച്ചചെയ്യപ്പെടേണ്ടതും ചര്‍ച്ചചെയ്യപ്പെടുന്നതും അതുകൊണ്ട് തന്നെയാണ്.
വട്ടിക്കാര്‍ക്ക് ഒത്താശചെയ്യുന്ന പോലീസും സ്വന്തമായി കൊണ്ട് നടക്കുന്ന ഗുണ്ടാപടയും സമൂഹത്തില്‍ ഭയം വിതറുന്നു എന്നതു നമ്മളാരും എന്തുകൊണ്ട് ചര്‍ച്ച ചെയ്യുന്നില്ല. 100 നു 10ഉം 1000 ത്തിനു 100ഉം പലിശ വാങ്ങുന്നവനു ആവശ്യം മുതലല്ല, അതില്‍നിന്നു കിട്ടുന്ന പലിശമാത്രമാണെന്നു ആര്‍ക്കണ് തിരിച്ചറിയാന്‍ കഴിയാത്തത്.