സിന്ധുനദീതട സംസ്കാരം മുതല് ആരംഭിക്കുന്ന ഇന്ത്യാ ചരിത്രം ക്രി മു 3300 മുതല് 1300 വരെ ഇന്ത്യന് ഉപഭൂഖണ്ഡത്തിന്റെ വടക്കുപടിഞ്ഞാറേ ഭാഗത്ത് പുഷ്കലമായതാണ്.ക്രി മു.2600 മുതല് 1900 വരെയായിരുന്നു ഇതിന്റെ സുവര്ണകാലം.ഇതു പിന്നെ ക്രിസ്തുവിനു മുമ്പ് രണ്ടാം സഹസ്രാബ്ദത്തിന്റെ ആരംഭത്തോടെ നാമവശേഷമായി,ശേഷം അകിമെനീസ് പേര്ഷ്യന് സാമ്രാജ്യം മുതല് മഹാനായ അലക്സാണ്ടറിന്റേതുള്പ്പേടേ പല സാംമ്രാജ്യങ്ങളും ഈ പ്രദേശങ്ങള് ഭരിക്കുകയും ഇവിടം പുഷ്ടിപ്പെടുത്തുകയും ചെയ്തു.ശേഷം മൌര്യ ഗുപ്ത സാമ്രാജ്യങ്ങള്ക്ക് കീഴിലും ചാലുക്യര്, ചോളര്, പല്ലവര്, പാണ്ഡ്യര് എന്നിവര്ക്ക് കീഴിലും അതിന്റെ സുവര്ണ്ണകാലം ആസ്വദിച്ചു.
ക്രിസ്ത്വര്ഷം 712ല് ഇസ്ലാം മതം ഇന്ത്യയില് പ്രവേശിച്ചു.അറബി സേനാനായകന് മുഹമ്മദ് ബിന് കാസിം തെക്കന് പഞ്ചാബിലെ സിന്ധ്, മുള്ത്താന് എന്നീ പ്രദേശങ്ങള് കീഴടക്കി, അതിനു ശേഷ്മാണ് ഇന്ത്യന് ഉപഭൂഖണ്ഡത്തില് മുസ്ലിം സാമ്രാജ്യങ്ങള് പടുത്തുയര്ത്തപ്പെട്ടത്. ഘാസ്നവീദ്, ഘോറിദ്,ദില്ലി സുല്ത്താനത്ത്,മുഗള് എന്നിവ ഇങ്ങനെ രൂപിതമായി.
പതിനെട്ടാം നൂറ്റാണ്ടിലും മധ്യത്തിലും പത്തൊന്പതാം നൂറ്റാണ്ടിലും ഇന്ത്യയെ ബ്രിട്ടീഷ് ഈസ്റ്റ് ഇന്ത്യ കമ്പനി ക്രമേണ പിടിച്ചടക്കുകയുണ്ടായി. കമ്പനി ഭരണത്തിലേ അസംതൃപ്തി ഇന്ത്യയുടെ ഒന്നാം സ്വാതന്ത്ര്യ സമരത്തിലേക്ക് നയിച്ചു. ഇതിനു ശേഷമാണ് ഇന്ത്യ നേരിട്ട് ബ്രിട്ടീഷ് ഭരണത്തിനു കീഴിലായത്. ഇത് ഇന്ത്യയുടെ അടിസ്ഥാനസൌകര്യങ്ങളുടെ വളര്ച്ചക്ക് കാരണമായി. ഇരുപതാം നൂറ്റാണ്ടിന്റെ ആദ്യ പകുതിയില് ഇന്ത്യന് നാഷണല് കോണ്ഗ്രസ്സ് രാജ്യവ്യാപകമായി സ്വാതന്ത്ര്യ സമരം ആരംഭിക്കുകയുണ്ടായി. ഇതില് പിന്നീട് മുസ്ലിംലീഗും അണിചേര്ന്നു, 1947 ല് ഇന്ത്യാ ഉപഭൂഖണ്ഡം ഇന്ത്യ, പാക്കിസ്താന് എന്നീ രാജ്യങ്ങളായി വിപജിക്കപ്പെട്ടു. ഇതിനു പിന്നാലെ ബ്രിട്ടണില് നിന്ന് ഇന്ത്യക്ക് സ്വാതന്ത്ര്യം ലഭിച്ചു. 1971ല് പാകിസ്താന്റെ കിഴക്കന് ഭാഗം ബംഗ്ലാദേശ് എന്ന പേരില് സ്വാതന്ത്ര്യം പ്രാപിച്ചു രാജ്യമായി.
No comments:
Post a Comment