പരസ്യങ്ങളുടെ സ്വാധീനവും പിന്നെ നമ്മളും

‘നാണംകെട്ടും പണം നേടിക്കൊണ്ടാല്‍ നാണക്കേടാപ്പണം തീര്‍ത്ത് കൊള്ളും’
ഇന്നിന്റെ ഈ ജീവിതത്തില്‍ ഒഴിച്ചുകൂടാത്ത ഒന്നായിരിക്കുന്നു പരസ്യങ്ങള്‍, അല്ലെങ്കില്‍ നമ്മളെ അങ്ങനെയാക്കി മാറ്റിയിരിക്കുന്നു ഇവിടത്തെ ഉല്പന്ന നിര്‍മാതാക്കളും മാധ്യമങ്ങളും കൂടി. പില്പനചരക്കാക്കപ്പെടുന്ന സ്ത്രീയും അശ്ലീലതയും കുറേ മധുരമുള്ള വാക്കുകളും ഒക്കെ കൂടി നമ്മെ മായാ വലയത്തിലാക്കിയിരിക്കുകയാണ്. അടുത്തകാലത്തായി റ്റി.വി യില്‍ നിരന്തരമായി കാണുന്ന ഒരു പരസ്യമാണ് i-phill. ഇതു 72 മണിക്കൂറിനുള്ളില്‍ ഗര്‍ഭദാരണം തടയുന്നു. അതിലെ പരസ്യ വാചകങ്ങളും രംഗങ്ങളും ശ്രദ്ധിക്കു, ഒരമ്മ മകളുമായി സംസാരിക്കുന്നത്, ഒരു പ്രൊട്ടക്ഷനുമില്ലാതെയോ എന്ന ഒരമ്മയുടെ ഉത്കണ്ഠ. എന്നിട്ട് അമ്മയുടെ ഉപദേശം ഇങ്ങനെ പോകുന്നു...ലൈംഗീകബന്ധത്തില്‍ ഏര്‍പ്പെട്ടെങ്കില്‍ 72 മണിക്കൂറിനുള്ളില്‍ i-phill കഴിക്കണമെന്ന്, ദൈവത്തിന്റെ സ്വന്തം നാട്ടില്‍ ലൈംഗീകത ജീവിത പങ്കാളിയോട് മാത്രം എന്ന് പറയുന്നതിനു പകരം പുറത്ത്പോവുമ്പോള്‍ നിരോധ് കൊണ്ട് പോണം എന്നു പറയുന്ന നമ്മുടെ ഭരണകൂടവും എല്ലാംകൂടെ എവിടെക്കാണ് നമ്മെകൊണ്ട്പോകുന്നത്. ഡോക്ടറുടെ ഉപദേശപ്രകാരം മാത്രം കഴിക്കേണ്ട മരുന്നുകള്‍ പോലും പരസ്യത്തിന്റെ പിന്നണിയോടെ വിപണിയില്‍ ചിലവാക്കുന്നത് എത്രത്തോളം ആശാവഹമല്ല.
മറ്റൊരു പരസ്യമേഖലയാണ് ജുവല്‍‌സ്, ഒരു കൂട്ടര്‍ കൂടുതല്‍ കാശ് വാങ്ങാന്‍ അതിന്റെ ക്വാളിറ്റിയെ കുറിച്ചും വിലകുറച്ച് വാങ്ങുന്ന സ്വര്‍ണത്തില്‍ മാരകമായ രോഗങ്ങള്‍ വരുത്തുന്ന വിശാംഷമുള്ള ലോഹങ്ങള്‍ കൊണ്ടുള്ളതാണെന്നും പറഞ്ഞ് ഭയപ്പെടുത്തുമ്പോള്‍ മറ്റൊരുകൂട്ടര്‍ വിശ്വാസ്യത തെളിയിക്കാന്‍ മണിടാഗ് ഉണ്ടെന്നും പറഞ്ഞ് വീളിക്കും ഇനി മറ്റൊരു കൂട്ടരാവട്ടെ അങ്ങോട്ട് പോകരുതെന്നു പറഞ്ഞും.....കാഴ്ചക്കാരന്റെ കഷ്ടകാലം. തൊഴില്‍ മേഖലകളിലെ മഹത്വം വര്‍ണിച്ചും ശമ്പളത്തിന്റെ പെരുപ്പിച്ച കണക്കും എല്ലാം കൂടി സേഫ്റ്റി കോഴ്സിലേക്ക് ക്ഷണിക്കുമ്പോള്‍ അതില്‍ നിന്നു വിരുതും വാങ്ങി പുറത്ത് ജോലിക്ക് പോകുമ്പോഴാണ് യാതാര്‍ത്ഥ്യം തിരിച്ചരിയുന്നത്
ഇന്നു പുതിയൊരു പരീക്ഷണത്തിനു കൂടി നമ്മുടെ മുതലാളിമാര്‍ ഒരുങ്ങിയിട്ടുണ്ട്, സിനിമകളില്‍. പ്രോഗ്രാമുകള്‍ക്കിടയില്‍ പരസ്യം വരുമ്പോള്‍ റിമോട്ട് തിരയുന്നവര്‍ പക്ഷെ സിനിമകള്‍ക്കിടയില്‍ അറിയാതെ കടന്നുവരുന്ന പരസ്യങ്ങള്‍ മാറ്റില്ല എന്നു മനസിലാക്കിയാണീ പുതിയ പ്രേക്ഷക വധം.