പ്രവാസിയുടെ ആരോഗ്യ പ്രശ്നങ്ങള്‍

ജീവിതത്തിന്റെ മുന്നോട്ട് പോക്കിനും കേരളത്തിന്റെ വികസനത്തിനും പ്രവാസം നല്‍കിയ സംഭാവനകള്‍ ചെറുതല്ല. എങ്കിലും പ്രവാസം പ്രാവാസികള്‍ക്ക് നേടിത്തരുന്ന രോഗങ്ങളേക്കുറിച്ച് അതിനു കീഴ്‌പെടുമ്പോള്‍ മാത്രമാണ് നമ്മള്‍ ചിന്തിക്കുന്നത്, പ്രഷറും ഷുഗറും ഇന്നൊരു അലങ്കാരമായി കൊണ്ട് നടക്കുന്നവരാണ് പ്രവാസികളിലതികവും.
എന്നാല്‍ അതിനു കൂടെ തന്നെ ചിന്തിക്കേണ്ട മറ്റൊരു വിശയം പ്രവാസികുടുമ്പങ്ങളേ കുറിച്ചാണ്, അവരുടെ മാനസിക പ്രശ്നങ്ങള്‍, അതില്‍ ഏറ്റവും കൂടുതല്‍ ഇരകളാവുന്നത് ഭാര്യമാരും. വിരഹം എത്രത്തോളം മനുഷ്യനെ ബാധിക്കുന്നു എന്നറിയാന്‍പ്രവാസി ഭാര്യമാരെ നോക്കിയാല്‍ മതി. ഭര്‍ത്താവുമായി അടുത്തറിഞ്ഞു വരുമ്പോള്‍ തന്നെ പിരിയുന്ന അവസ്ഥ, ഒപ്പം ഭര്‍തൃവീട്ടില്‍ ഉണ്ടാകുന്ന പ്രശ്നങ്ങള്‍ കൂടിയാവുമ്പോള്‍ സംഗതി ശുഭം.ഇത്തരം അവസ്ത വിഭ്രാന്തിയും തളര്‍ച്ചയും മാനസിക പ്രശ്നങ്ങളുമായി പരിണമിച്ചു. ഗള്‍ഫ് സിന്‍‌ട്രോം എന്ന വിരഹിണികള്‍ക്ക് മാത്രം സ്പെഷ്യലൈസ് ചെയ്ത രോഗം സമ്മാനിച്ച പ്രവാസികള്‍ നമ്മുടെ വീട്ടുകാര്‍ക്ക് ഒരു രോഗം കൂടി സംഭാവന ചെയ്തു, സാറ്റര്‍ഡേ സിന്‍‌ട്രോം എന്ന പേരില്‍, വെള്ളിയാഴ്ചകളില്‍ ലഭിക്കുന്ന ഫോണ്‍ കോളിന്റെ പിരിമുറുക്കം നല്‍കുന്ന ബാക്കിപത്രം. ഇത്തരം ഒരു സാഹചര്യത്തിലാണ് പ്രവാസികളുടെ ആരോഗ്യ പ്രശ്നങ്ങളോടൊപ്പം അവരുടെ കുടുംബങ്ങളുടെ ആരോഗ്യത്തെകുറിച്ച്കൂടിയുള്ള ചര്‍ച്ച പ്രസക്തമാവുന്നത്.

എത്ര പേര്‍ പോയി? എവിടേയ്ക്ക് പോയി?
കുടുംബത്തിലെ ഒരംഗമെങ്കിലും പ്രവസിക്കുന്ന വീടുകള്‍ - 21%
മൊത്തം പ്രവാസികളുടെ എണ്ണം - 22 ലക്ഷം
യു എസ് ഏ - 3.8%
യു ഏ ഈ - 25.9 %
സൗദി അറേബ്യ -37.8%
ഒമാന്‍ -11.8%
മറ്റു ഗള്‍ഫ് നാടുകള്‍ -13%
സിംഗപ്പൂര്‍, മലേഷ്യ, ഇംഗ്ലണ്ട്, ആസ്ത്രേലിയ, മറ്റെല്ലാം - 7.5%

എന്തു തരത്തില്‍ പെട്ടവര്‍ ഇവര്‍?
നിരക്ഷരര്‍- 1%
കേവലവിദ്യാഭ്യാസമുള്ളവര്‍- 55%
മിഡില്‍ സ്കൂള്‍- 25%
ഹൈസ്കൂള്‍- അപ്പുറം - 8%
ഉന്നത പ്രൊഫഷണലുകള്‍ - 6%
മറ്റു പ്രൊഫഷണലുകള്‍ - 5%


എന്തു ജോലി ചെയ്യുന്നു ഇവര്‍?
ഫാക്റ്ററി, കൂലിപ്പണി - 49%
സെയില്‍സ്മാന്‍- 14.4%
ക്ലെറിക്കല്‍ - 7.8%
ചെറിയതരം പ്രൊഫഷണല്‍ - 6.4%
ഉന്നത പ്രൊഫഷണല്‍ - 4.8%
സേവനജോലി - 5.4%
കൃഷി, മീന്‍ പിടിത്തം, മരം വെട്ട് - 1.8%
മാനേജ്മെന്റ്, എക്സിക്യൂട്ടീവ് -1.5%
മറ്റു നാനാ ജോലി - 9%

ശരാശരി പ്രവാസകാലയളവ് - 6.5 വര്‍ഷം
(കണക്കുകള്‍ anonyantony.blogspot.com )